Episode 43: Eddy yongeye kubonana na Soso, ibyishimo ntibisanzwe… – UMUSEKE

Episode 43: Eddy yongeye kubonana na Soso, ibyishimo ntibisanzwe…

Twese twaraho twaganjwe n’imbamutima koko ,buri wese asuhuza umutima asubira mu kahise twese twisanga muri mood imwe!,

Ubwo Boss witegerezaga byose yumiwe yahise avuga

Boss-“ Mignone ateye ibuye rimwe yica inyoni uruhuri ,iyo nza kumenya ko ari uku bimera  sinakabaye ikigwari aho intwari zigaragarira!”

John-“ sibyo gusa Boss, kuri njye nari mpibereye sinzi icyo nakora gusa Ben nzakugwa inyuma inama  zawe zizaba izanjye ,ahubwo sinzi niba wanyemerera ukatubera Tonto nubwo twese harimo n’abakuruta!”

 

Mama Tresor we byaramurenze kuri  njyewe ho numvaga intsinzi ya Ben yahoraga ambwira ndi kuyibyina mu mutima, koko guhindura imitima ntibigombera power zirenze kandi kuri ubu nibyo bihenze!

Twakomeje kuganira kuri ibyo byose bigera mu masaha  akuze, Boss acaho arataha natwe buri wese ajya kuryama , tayali mu gitondo kare byari Job ku igaraje nk’uko Ben yari yabinyemereye,

Nakangutse mu gitondo nikoza  muri douche ndasohoka nkubitamo utwenda duciriritse n’udukweto ngiye gukomangira Ben nsanga yantanze hanze duhita ducaho tugeze ku igaraje ampa igisarubeti dutangira akazi.

Abandi basore  bakoranaga na Ben bari batangiye kumenya, kuko aho Ben yabaga ari nanjye niho nabaga ndi, byakomezaga kuba byiza nkabikunda!

Ubwo uwo munsi  byageze nka saa sita tujya kurya ubugari turagaruka dukomeza akazi mpaka nimugoroba turataha.

Ubwo nibwo bwabaye ubuzima bwanjye nishimiraga mu gihe cyose! ,Byabaye akarusho James ikiraka aragitangira muri uko kugitangira ntiyangiye kure buri gihe yavaga ku kazi  akanyuraho ku igaraje tugatahana tukajyana Ghetto tukiganirira  ibyo bituma James , Ben ndetse nanjye tuba bamwe bya nyabyo!

Ben yakundiraga James stories na blague yahoranaga mugihe James yakuraga kuri Ben icyo nakwita nka Philosophy kuko byo Ben yarafite impano yo gutecyereza kure byabindi bitagirwa na buri umwe wese!,

Ukwezi kwa mbere nakumaze mu igaraje kwa Ben! ,Ndabyibuka hari kuwa gatanu uwo umunsi James yaje kundeba ku igaraje aho nari maze kumenya iby’ingezi nko gushyira ipine mu modoka,guhoma ipine ryapfumutse, gusiga irangi, donc iby’ingenzi byose Ben yari yarabinyeretse , uwo munsi James yasanze  ndi munsi y’imodoka ndimo ntera ijeki ,mbona inkweto za converse z’umutuku imbere yanjye ndazimenya mba muteye iburo y’ipine !

Njyewe-“ nakumenye Bro,gira uhindure inkweto  dore zabaye indangamuntu!”

James-“ hhhhhhh, mechanicien Eddy!!! kanika sha n’iyanjye iri mu ruganda!, ,n’akataraza kazagusange ugifunga amaburo!”

 

Nahise nsohoka muha chance kuko nari mfite amavuta y’imodoka mu ntoki !, James wari wambaye aka Jeans k’ubururu n’agapira k’icyatsi na ryban kabisa yari smart cyane nanirwa kubyihanganira mba ndamubwiye!!

Njyewe-“ eeeeh Bro!,wambaye neza cyane kabisa!!eeeeh nemeye!”

James-“ eeeeeeh ndakuzi niyo naba nambaye amakoma wambwira ko ari byiza!”

Njyewe-“ acha ivyo petit njye sindi Djalia ngo ndagutera imitoma!!”

James-“ ko umuvuga nkaho umukumbuye ariko? “

Njyewe-“byo ndanamukumbuye rero !! “

James –“ humura uramubona mukanya! “

Njyewe-“ koko se Bro?

James-“ hhhhhh! Ahubwo ngufitiye nako….!”

Njyewe-“ uuuuuh mbwira man!”

James-“ urarangiza job ryari se ahubwo!??

Njyewe-“ nikano gapine nsigaje ngahita nsoza  nanjye! “

James-“Ben arihe se brother?”

Njyewe-“ yagiye kudepana umu Boss hariya hirya!”

James-“ uuuuh ,uriya mu Djama ntazapfa vuba!,eeeeeh dore ahise aza!”

 

Ubwo Ben yahise aza aduha chance ariko wabonaga  yishimye cyane!

Ben-“eeeeh Brothers bite byanyu wana!?”

Twese-“ni sawa cyane Bro! “

Ben-“ ariko Rwibutso, uyu muvandimwe James ubanza mwarasangiye n’amakakama kabisa!”

 

Twarasetse tujya hasi,James ahita avuga!

James-“ Bro ,byo  cyeretse ikitaribwa nicyo tutasangiye!!”

Ben-“ muzakomeze Bro,ugira umugisha abona umuvandimwe umugwa muntege!”

James-“ uko ni ukuri kwambaye ubusa!,nonese Ben, ko hano hari invitation yawe!?”

Ben-“ hhhhh,irihe se Man!?”

 

James yahise yigiza hirya Ben sinzi ibyo yamubwiye ,nshatse kubabaza ngo nanjye  bambwire wapi bantera umugongo ndabareka ,nigira gushyiramo ipine ,hashize akanya  Ben ahita agaruka yihuta amfasha dushyiramo ipine vuba vuba , ako kanya tuba turasoje ariko nkabona Ben anyihutisha biranshanga, mu gihe James we yari ari aho hafi yitegereza byose ,ubwo tuba dukuyemo amasarubeti twerekeza home na James turajyana tugezeyo ubwo hari nka Saa kumi n’ebyiri!

Ben-“ Bro,Eddy kubitamo agapantaro gacyeye ufite  se uze ujye kunsinyira credit hari aho nshaka kugura ikibanza,dore ngize n’amahirwe umuvandimwe James nawe abaye umugabo wa kabiri!”

 

Siniriwe mbitekereza ,nahise noga  vuba vuba nkubitamo agapantaro n’aga t-shirt n’akagafero , ubundi njye na James na Ben dufata umuhanda twerekera aho ntazi!

Twaramanutse tugera ku muhanda dufata utu moto iyanjye ijya inyuma ikurikira iza ba James ,twarakomeje mbona turi mu muhanda ujya i Remera birangira tugeze ku cyapa cya Mitsing, mbona baraparitse James yishyura moto birancanga kuko nari nziko Ben ariwe byose biriho ariko ibyo sinabyitaho cyane, mbajya inyuma turakomeza tuba twinjiye ahantu ntangira kubona ibyapa by’inzoga zitandukanye nikangamo ,ntangira kwibaza niba ariho tuje gusinya credit ya Ben ,twarakomeje  twicara mu ntebe zari munguni aba serveurs bo muri ako ga Pub wagirango nitwe bari bategereje, bahise baza vuba dutuma ya macupa y’icyatsi aba yambaye agatima (Mutziing)  bahita bazizana vuba barazipfundura dukubita ibirahuri byabindi bita cheers buri wese ashyira ku munwa yumva uburyohe bwirekuye  bwa rufuro!

Ubwo stories zo zari nyinshi ariko James yageraga aho akavanga akajya kuri telephone, duhita tunamuca round ayemera atazuyaje!

Ubwo hashize akanya mbona James arasohotse atanatubwiye dushaka kumuca indi round ariko turamubabarira muk ugaruka…

Oooooh my God amaso yajye yabaye nkacanzweho n’izuba sinzi niba ntararotaga ,nabonye isura itatse inseko nziza isobetse umucyo ,nongera kubona bya byiso byiza nishimiraga guhuza nabyo imboni! ,mbona SOSO arikumwe na Djalia ndetse na Fille badusanze aho!

Ubwo nahise mpaguruka nsiga byose ndiruka nyora  Soso wari wambaye akajipo gato cyane sinatinya kumuterura mu bantu muri uko kumuterura nibwo numvishe ibyishimo bidasanzwe ndebye mu maso ye mbona mo uturira tw’ibyishimo!

Ubwo hashize nka 5 min twanze kurekurana ariko bigeze aho birakunda ,mpobera Djalia na Fille barakomeza bahobera na Ben ubundi nicarana na Soso, Ben na Fille wari wikozeho birenze , James nawe yicarana na Djalia aho hafi,ubwo batangira kunserereza  ukuntu surprise zinzonga nkananirwa kuvuga kubera ibyishimo ariko ibyo byabaga ntarabyumva neza ,numvaga ko wenda  ahari ndi munzozi!,

Mu byukuri Soso yari uwundi wundi kuri njye ,byongeye kandi kuba nari mubonye bintunguye, nabonye ko burya ushaka kureba imbamutima z’umuntu ku wundi wabinyuza mu kumutungura!

Ako kanya Serveur yaje yihuta Soso byari byananiye kwihangana nanjye ntisize amubwira icyo afata, arakomeza abaza nabandi,! Amaze kugenda Soso ahita andeba mu maso!

Soso-“ Eddy ni wowe mbona!!”

Njyewe-“ ni njyewe Bb bisa nk’inzozi gusa ndumva ya mpumuro yawe nakundaga, nakabakaba nkumva wa mubiri Imana yaremye yitonze  ikawusiga iwusubira ,ikawutaka iwutanaga ,Bb mbabarira niba ndi mu nzozi ntunkangure!,…………………………..

 

Episode ya 44 ni ejo

Likes(10)Dislikes(0)

29 Comments

  1. ngabo

    November 18, 2016 at 6:51 am

    Nabatanze kuhagera.

    Likes(3)Dislikes(0)
  2. bakame

    November 18, 2016 at 6:52 am

    Ninde wantanze ngo atere agatoki?

    Likes(1)Dislikes(0)
  3. Ndashima

    November 18, 2016 at 6:54 am

    Ndi uwa mbere pe

    Likes(1)Dislikes(1)
  4. mn Nick

    November 18, 2016 at 7:06 am

    Ndabatanze mwese weeeeee. Ahwi

    Likes(0)Dislikes(1)
  5. neza

    November 18, 2016 at 7:06 am

    ubu c simbaye uwambere ???gusa nikagufi rwose

    Likes(0)Dislikes(1)
  6. Ndashima

    November 18, 2016 at 7:10 am

    Mbega !!!!!!

    Likes(3)Dislikes(0)
  7. Benjamin

    November 18, 2016 at 7:46 am

    Ahwiiiiiii.ati mbabarira niba ndi munzozi sunkangure..mbega urukundo.akandi weeeeee.abantu bagikeneye grp ya whatsap ya akunzi biyi nkuru banyura kuri 0782848247.tumaze kugera kuri grp turenga 35prs.nawe ngwino twibere incuti nka Eddy Jams,Ben,Soso,na Djalia.

    Likes(7)Dislikes(1)
    • Rwemerikije Advisor

      November 18, 2016 at 8:56 pm

      Abashaka kujya muri iyo groupe ya whatsapp "~_My day of Surprise_~ munyandikire kuri 0728777763,Ndi Admin ndahita mbashyiramo.Murakoze

      Likes(0)Dislikes(0)
  8. ALIANE

    November 18, 2016 at 7:47 am

    nabatanzeeeeeeee

    Likes(0)Dislikes(1)
  9. Rachel Uwimbabazi

    November 18, 2016 at 7:53 am

    Mbega byiza weeeeeee ndishimye pe buri wese aranezerewe

    Likes(0)Dislikes(0)
  10. Kalisa

    November 18, 2016 at 8:26 am

    Hahaha, ese mwashyizeho group ya whatsapp? Muri abana beza! Iyi nkuru na njye ndayikunda cyane!

    Likes(2)Dislikes(0)
  11. Elise

    November 18, 2016 at 8:28 am

    Waouh, ibintu ni uburyohe

    Likes(2)Dislikes(0)
  12. fany

    November 18, 2016 at 8:59 am

    mbega ibyiza we..... ariko se ko Eddy yirazaga inyanza ngo afite isezerano rya Fille atakwica ubu ntari bubihindure ra... ko adateruye fille se. hanyuma kuri groupe naje mwanga kunyakira

    Likes(2)Dislikes(1)
    • Habib

      November 18, 2016 at 10:23 am

      Byiza!! Eddy afite isezerano rya Kabebe apana irya fille

      Likes(3)Dislikes(0)
    • nono

      November 18, 2016 at 10:24 am

      oya ntabwo ari fille ni kabebe

      Likes(0)Dislikes(0)
    • FOFO

      November 18, 2016 at 2:37 pm

      AMAHORO! WIBESHYE PE, EDDY AFITE ISEZERANO RYA KABEBE NTAGO ARI IRYA FILLE. URAKOZE!

      Likes(0)Dislikes(0)
  13. MARRY

    November 18, 2016 at 9:15 am

    MBEGA BYIZA MBIFURIJE IBYIZA GUSAAAAAAAAAA

    Likes(0)Dislikes(0)
  14. olivier

    November 18, 2016 at 9:34 am

    Yeweeeee bikomeje kuryoha kabisa, @Benjamin pls add me in the group, ejo narakwandikiye turanavugana ariko sindibona muri iyo groupe. Mushyiremo kbsa

    Likes(1)Dislikes(1)
  15. adds

    November 18, 2016 at 9:49 am

    nukuri turakwakiriye. mbega byiza, yooooo, nimba ndi kurota ntunkangure

    Likes(0)Dislikes(0)
  16. Iili

    November 18, 2016 at 10:04 am

    Hahaha mbega ngo murantera kwifuza umwana hahahah

    Likes(0)Dislikes(0)
  17. euphra

    November 18, 2016 at 10:22 am

    Yooo biraryoshye peee

    Likes(0)Dislikes(0)
  18. cyuzuzo

    November 18, 2016 at 10:38 am

    Mwaramutse bavandimwe??!!
    Bikomeje kuryoha pe! Ariko iyo group Admin ko nta care aduha ngo yakire nibura 100personnes?

    Likes(0)Dislikes(0)
  19. Abonzi Alice

    November 18, 2016 at 1:08 pm

    Yooo mbega byiza iyi nkuru ijye itibera urugero twe tuyisoma

    Likes(0)Dislikes(0)
  20. Jeanne

    November 18, 2016 at 2:52 pm

    Yooooo, Eddy ndanezerewe numvaga ntaramgiza gusoma ino episode, rata niba urimo unarota ntihagire ugukangura, igumire muri ubwo buryohe

    Likes(1)Dislikes(0)
  21. Shyla

    November 18, 2016 at 3:24 pm

    Ahhhhh ngewe nuwakabiri mbega aka episode gato amatsiko .com

    Likes(0)Dislikes(0)
  22. Vava

    November 18, 2016 at 4:26 pm

    Yewe mbega urukundo weeeee

    Likes(0)Dislikes(0)
  23. Katabarwa Clement

    November 19, 2016 at 5:38 am

    Mukomeze sha.

    Likes(0)Dislikes(0)
  24. murenzi jean chrysostome

    November 19, 2016 at 8:10 am

    Admin ko tutamubona kuri whathapp ngo adutereke kuri iyi group.twamubuze

    Likes(0)Dislikes(0)
  25. Asante sana

    November 19, 2016 at 11:14 am

    Muduhe 44

    Likes(1)Dislikes(0)

Ibitekerezo

Your email address will not be published. Required fields are marked *