Col Makenga yabuze, Bunagana humvikanye amasasu – UMUSEKE

Col Makenga yabuze, Bunagana humvikanye amasasu

Ingabo za Congo ubu zirakeka ko Sultani Makenga ubu ngo yaba yagarutse ku butaka bwa Congo kuko aho yari yarahungiye mu nkambi yo gusubiza abahoze muri M23 mu gisiviri muri Uganda ubu bamubuze. Mu mujyi wa Bunagana hari y’umupaka wa Uganda aho bakeka ko yaba ari ejo humvikanye urusaku rw’amasasu.

Sultani Makenga yari umugaba w'ingabo za M23 zitaratsindwa

Sultani Makenga yari umugaba w’ingabo za M23 zitaratsindwa

Julien Paluku Guverineri wa Kivu ya ruguru muri Congo yemeje ko abayobozi muri Uganda batazi aho uyu musirikari wahoze ari umugaba w’abarwanyi ba M23 aherereye

Paluku yabwiye Reuters ati “Twavuganye n’abashinzwe iperereza muri Uganda batubwira ko kuva kuwa gatanu ex-Colonel Makenga ashobora kuba yaracitse n’inzego z’umutekano za Uganda ntizibashe kumenya aho ari.”

Umuvugizi w’ingabo za Uganda nawe yemeje ko Makenga batazi aho ari.

Mu mujyi wa Bunagana uri ku mupaka wa Uganda na Congo muri Kivu ya ruguru, ukaba warafatwaga nk’ibirindiro bya M23 mu gihe yari ikomeye, kuwa gatanu nijoro no kuwa gatandatu mu gitondo ngo humvikanye urusaku rw’amasasu.

Bunagana ngo haba hari ibikorwa bya gisirikare kurusha uko bisanzwe ndetse n’ingabo za Uganda ngo zariyongereye zinakaza umutekano hakurya mu mujyi wa Kisoro.

Julien Paluku yavuze ko batazi neza niba Makenga yagarutse muri Congo. Gusa yemeje ko ingabo zabo ziryamiye amajanja ku buryo abaye ariho ari zahita zimufata cyangwa zikamurwanya n’abo baba bari kumwe.

Umutwe wa M23 wari wabashije gufata umujyi wa Goma, watsinzwe n’ingabo z’Umuryango w’Abibumbye z’iza Congo mu 2013 abarwanyi bawo baratatana bamwe bahungira mu Rwanda abandi muri Uganda aho bashyizwe mu bigo bategereje gusubizwa mu buzima busanzwe.

Agace barwaniragamo mu burasirazuba bwa Congo gakungahaye ku mabuye y’agaciro ariko kaniganjemo ivangura n’ubushyamirane bushingiye ku moko na politiki.

Mu 2014 Uganda yavuze ko icumbikiye abahoze ari abarwanyi ba M23 1 430, gusa hari amakuru ko benshi batorotse ibigo bari barashyizwemo ndetse bikavugwa ko bashaka kongera kwisuganya.

UMUSEKE.RW

Likes(4)Dislikes(1)

7 Comments

  1. Gunner

    November 13, 2016 at 10:18 pm

    Makenga ni General

    Likes(0)Dislikes(0)
  2. amin

    November 13, 2016 at 10:36 pm

    nyine murabashakaho iki nubundi bavugagako batatsinzwe bagihari none barabyerekanye

    Likes(0)Dislikes(1)
  3. kabarore

    November 13, 2016 at 10:52 pm

    ariko burya urwanira ukuri nta kimutera ubwoba, uribuka batera ubwoba ngo za drone zaje ,nabo bakava mu byabo. izo drone ntacyo zakora kunyeshyamba, kuko no mu mashyamba ntacyo zibona. none se nihe zari zahagarika inyeshyamba,nta nahamwe.general makenga y,ikanze baringa ya drone pe, kuko n,abariya basirikare bo mubindi bihugu, ntibari ku mushobora mu mashyamba ya congo aho yavukiye, kuko na FDRL barayinaniwe ,nkaswe makenga, yari kubarasa bagasubira iwabo batabona, ariko kumanika amaboko yarakosheje peeeeeeeeeeeeeee

    Likes(1)Dislikes(2)
  4. Gakiro

    November 14, 2016 at 12:06 am

    Niba bashaka kongera kubuza amahoro Kongo nukuvugako leta ya Uganda ibifitemo uruhare, ubundi abasilikare iyo bahungiye mu kindi gihugu bamburwa intwaro bakarindwa cyane, niba batorotse rero ubwo ni leta ya Uganda izababazwa niba ari leta koko.

    Likes(2)Dislikes(2)
  5. Iili

    November 14, 2016 at 1:21 am

    Icyampa bakazatsinda apana guhora basubirinyuma

    Likes(3)Dislikes(2)
  6. king.carlos

    November 14, 2016 at 11:27 am

    ahaaaaaaaaaaaaaaaaaaaaaaaaaaaa nzaba ndeba

    Likes(0)Dislikes(0)
  7. FDLR

    November 14, 2016 at 6:22 pm

    Makenga? arwaye SIDA ntacyo amaze

    Likes(0)Dislikes(0)

Ibitekerezo

Your email address will not be published. Required fields are marked *