CAR: Umugaba Mukuru w’Ingabo yishwe n’abantu batazwi bitera imidugararo – UMUSEKE

CAR: Umugaba Mukuru w’Ingabo yishwe n’abantu batazwi bitera imidugararo

Marcel Mombeka, wari Umugaba Mukuru w’Ingabo muri Centrafrica (Central African Republic, CAR) yarashwe n’abantu batazi ahita yitaba Imana hafi y’ibiro bya Polisi mu murwa mukuru, Bangui.

Marcel Mombéka wishwe ku wa kabiri n'abantu batazwi

Marcel Mombéka wishwe ku wa kabiri n’abantu batazwi

Mombeka yatemberaga n’umwana we w’imyaka 14 kuri uyu wa kabiri ubwo igitero cyabaga.

Ubu bwicanyi bwaraye bubereye ahantu hatari umutekano uhagije hitwa PK5 District, byatumye habaho imirwano nyuma y’aho itsinda rishinzwe kurengera amahoro (vigilante group) ryarwanaga n’abantu bataramenyekana bitwaje intwaro, bitera ubwoba abaturage.

Minisitiri ushinzwe umutekano wa rubanda, Jean Serge Bokassa yamaganye iki gitero avuga ko kigamije guhungabanya igihugu, nk’uko bitangazwa n’Ibiro Ntaramakuru, AP.

Ingabo za UN zishinzwe kugarura amahoro muri CAR, ahari abasirikare 12,000  na zo zamaganye icyo gikorwa.

Centrafrica iracyagerageza kwiyubaka nyuma y’intambara ikomeye yashegeshe igihugu mu 2013.

Iyi ntambara yari ishingiye ku myemerere n’amoko yahitanye benshi, abandi bahunga ingo zabo.

BBC

UMUSEKE.RW

Likes(0)Dislikes(0)

Ibitekerezo

Your email address will not be published. Required fields are marked *