Bamwe mu bari mu cyiciro cya 3 cy’Ubudehe Compassion igiye kubavana mubo ifasha – UMUSEKE

Bamwe mu bari mu cyiciro cya 3 cy’Ubudehe Compassion igiye kubavana mubo ifasha

Muhanga – Mu nama nyunguranabitekerezo yahuje Abayobozi b’umushinga Compassion Internationale, Abayobozi b’amatorero uyu mushinga ukoreramo n’ubuyobozi bw’Akarere ka Muhanga, Pasteri Rurangwa Sylvain Umuyobozi w’uyu mushinga mu mujyi wa Kigali no mubice by’Intara y’Iburasirazuba yifuje ko abana bafite ababyeyi bari mu cyiciro cya gatatu cy’Ubudehe bavanwa ku rutonde rw’abo Compassion ifasha.

Abari muri iyi nama bemeranijwe ko bagiye gukora urutonde rugaragaza ibyiciro ababyeyi b'abana babarizwamo.

Abari muri iyi nama bemeranijwe ko bagiye gukora urutonde rugaragaza ibyiciro ababyeyi b’abana babarizwamo.

Iyi nama yabereye mu Karere ka Muhanga yagarutse cyane ku buryo hanozwa imikorere n’imikoranire hagati y’ubuyobozi bw’Akarere ndetse n’umushinga muri rusange ariko hibandwa cyane mu guhitamo abana umushinga Compassion ukwiye kuba ufasha bakomoka mu miryango itishoboye.

Pasteri Rurangwa Sylvain Umuyobozi w’uyu mushinga Compassion mu mujyi wa Kigali no mu bice by’Intara y’Iburasirazuba avuga ko mu gutoranya abana bafashwa n’umushinga hatitawe ku batishoboye ahubwo ko habayemo n’amarangamutima yatumye hashyirwamo abana bafite ababyeyi bishoboye.

Ati “Ntabwo abari mu cyiciro cya gatatu cy’Ubudehe bose bazavanwa ku rutonde rw’abagomba gufashwa kuko hari igihe mushobora gusuzuma mugasanga nubwo bari muri icyo cyiciro bagifite imibereho itari myiza turasaba ko mushishoza.”

Pasteri Bigaraba Philippe umwe mu bafite itorero rikorana n’umushinga avuga ko mbere umushinga ukiza hari bamwe mu baturage biyitiriraga abana batari ababo bakabandika ku bantu bakuze bigaragara ko bafite amikoro make, ariko ko baje gukora igenzura biba ngombwa ko babavana k’uri urwo rutonde ku buryo n’umubare w’ababa bakirimo  ari bake.

Uwamariya Béatrice umuyobozi w’Akarere ka Muhanga yashimye ibikorwa uyu mushinga umaze kugeza ku baturage kuko ngo gufasha umwana ari ugufasha igihugu gutera imbere.

Gusa avuga ko mu gukora ijonjora ry’abagomba kuvanwa  kuri urwo rutonde byakoranwa ubushishozi kuko hari igihe hakoreshwa amarangamutima abatishoboye bakaba aribo bavanwaho.

Uwamariya ati “Niba umwana wa Mayor ari mu bafashwa uwo mwabuzwa n’iki kumukura kuri urwo rutonde, hari n’abahora bifuza gufashwa kandi bigaragara ko bateye imbere  dufite izo ngero.”

Compassion Internationale mu Rwanda ifasha abana ibihumbi 83, Miliyari 20 z’amafaranga y’u Rwanda niyo ahabwa amatorero akorana n’uyu mushinga, muri aya mafaranga harimo n’imishahara y’abakozi ba Compassion.

Bamwe mu bayobozi b'amatorero akorana n'umushinga Compassion

Bamwe mu bayobozi b’amatorero akorana n’umushinga Compassion

Past NTAGWABIRA Innocent  Umuyobozi w'umushinga  mu Ntara y'Amajyepfo n'iy'uburengerazuba.

Past NTAGWABIRA Innocent Umuyobozi w’umushinga mu Ntara y’Amajyepfo n’iy’uburengerazuba.

MUHIZI ELISEE
UMUSEKE.RW/Muhanga

Likes(1)Dislikes(0)

1 Comment

  1. cynthia

    November 25, 2016 at 10:58 am

    Hazakorwe ubushishozi cyane nkanjye nkorera kwa muganga ariko iyo urebye abantu baje kwivuza usanga ahubwo abakene aribo bashyize mu kiciro cya gatatu 3. ugasanga ahubwo abari mu kiciro cya kabiri nibo bakanyakanya, nawe se fata umuntu uba atagira ni nzu ye abayeho akodesha uwo muntu wamushyira mukiciro cya gatatu gute?

    Likes(0)Dislikes(0)

Ibitekerezo

Your email address will not be published. Required fields are marked *

Tsindira itike yo kureba umupira wa ARPL

tsindira-itike

Subiza ibibazo, maze utsinde….

 
 

Verification