Amerika yafatiye ibihano abashyigikiye Perezida Kabila – UMUSEKE

Amerika yafatiye ibihano abashyigikiye Perezida Kabila

Amerika yafatiye ibihano by’ubukungu bamwe mu bashyigikiye Perezida Joseph Kabila barimo umusirikare mukuru ku rwego rwa Jenerali n’Uwigeze kuyobora Polisi muri Congo Kinshasa, ku mpamvu z’uko abatavuga rumwe na Leta bakomeza guhohoterwa ndetse rimwe na rimwe hagakoreshwa imbaraga nyinshi.

Maj.Gen Gabriel Amisi Kumba na John Numbi wayoboye Polisi

Maj.Gen Gabriel Amisi Kumba na John Numbi wayoboye Polisi

Itangazo ry’urwego rushinzwe umutungo muri Amerika rivuga ko imitungo yose, Maj.Gen Gabriel Amisi Kumba na John Numbi wayoboye Polisi baba bafite muri America izafatirwa.

Muri iryo tangazo bavuga ko Maj.Gen Kumba yabaye umwe mu barebwa n’ibihano kubera ko ingabo ayobora zagaragaye mu bikorwa byo kuburizamo abatavuga rumwe na Leta hakoreshejwe imbaraga nyinshi.

Mu bivugwa harimo kuburizamo imyigaragambyo yo muri Mutarama 2015 yaguyemo abantu 42 nk’uko bikubiye muri iryo tangazo.

Numbi, wabaye Umuyobozi wa Polisi ashinjwa gutera ubwoba abaturage bikaba byarafashije abakandida bashyigikiwe na Perezida Kabila gutsinda amatora muri Werurwe 2016.

Uyu mugabo ngo n’ubwo atakiri ku mwanya we, ariko ngo ni umwe mu bajyanama ba hafi ba Perezida Kabila.

Itegeko nshinga rya Congo Kinshasa ribuza Perezida Kabila kuziyamamariza indi manda nk’Umukuru w’Igihugu cya Congo Kinshasa ategeka kuva muri 2001. Abatavuga rumwe na Leta bamushinja gukerereza amatora agamije kugundira ubutegetsi.

BBC

UMUSEKE.RW

Likes(0)Dislikes(0)

5 Comments

  1. FLUGENCE

    September 30, 2016 at 10:52 pm

    BAKOMEREZE AHO BAFATIRE NA KABILA UBWE.

    Likes(0)Dislikes(0)
  2. Buhuma

    October 1, 2016 at 2:02 am

    Byari byiza cyane kuko aba kuva na kera nta rimwe wamenya nina bokorera Congo cyangwa abandi.

    Likes(0)Dislikes(0)
  3. Muhire John

    October 1, 2016 at 8:15 am

    Ntabwo ari muri Congo gusa ryamubuzaga kuziyamamariza manda ya 3.Abakongomani kuki tutabatije ibiseke ngo bajye gusaba manda ya 3?

    Likes(0)Dislikes(0)
  4. Kongomikili

    October 2, 2016 at 7:35 am

    Babafate ahubwo babageze ICC.

    Likes(0)Dislikes(0)
  5. raj

    October 6, 2016 at 2:08 am

    amahanga muzageza ryari kwivanga mubyiwacu

    Likes(0)Dislikes(0)

Ibitekerezo

Your email address will not be published. Required fields are marked *